MetroFM; Sekretaria Estadu Komunikasaun Sosiál (SEKOMS) liuhusi Diresaun Nasionál Dezenvolvimentu Média (DNDM) halo manutensaun ba ekipamentu rádiu Akadémika Universidade Nasional Timor Lorosa’e (UNTL).
Ekipa ne’ebé lidera husi xefe Departamentu Apoiu Rádiu Komunidade (DARK) Manuel de Fátima, hala’o manutensaun durante loron rua hahú husi loron 21 to’o 22 fulan janeiru tinan ne’e hodi hatan ba pedidu husi kordenadór rádiu Akadémika ne’ebé hatama ba SEKOMS iha tinan kotuk.
Servisu ne’ebé ekipa tékniku hala’o mak hanesan, manutensaun ba estikador tore, instala antenna Dipole, nomós manutensaun ba kualidade audio no instalasaun ba ekipamentu trasmisaun nian.
Liuhusi manutensaun ne’e hetan rezultadu di’ak, rádiu Akadémika hahú hala’o ona operasaun hanesan bain-bain. *
