MetroFM (Ermera, 18 de Junu 2025) ; Secretária Estadu Komunikasaun Sosiál liu husi Diresaun Nasional Promosaun no Dezenvolvimentu Media Lokal (DNDM), Departementu Apoiu Rádiu Komunidade liu husi ekipa tekniku halo instalasaun ba ekipamentus foun iha Rádiu Komunidade Kafe Ermera.
Objetivu husi Instalasaun ne’e atu garante Populasaun Ermera bele asesu informasaun loron ba loron ne’ebé transmite husi Rádiu Komunidade Kafe Ermera.
Xefe Ekipa Manutesaun ba Rádiu Komunidade Kafe Ermera, Cristino Matos hateten manutensaun ne’e foku ba reativa equipamentu rádiu komunidade kafe Ermera iha mertutu, tanba paradu iha tinan naruk hahu iha tinan 2018 to’o tinan 2025.
Depois de reativa populasaun iha Postu Emera Ermera Vila, Postu Letefoho, Hatulia A no B, Railaku bele ona asesu informasaun husi Radiu Komunidade Kafe Ermera.
Munisipiu Ermera iha Postu Administrativu 6, Suku 52, ho populasaun rihun 137, 750
Hakerek Testu : Vasco
Editora : Ana
