MetroFM/RCLM; Joven sira iha Munisípiu Baucau husu atu komisaun rekrutamentu kadetes Polísia Nasionál Timor Leste (PNTL) foun atu halo selesaun ho neutru hodi labele hatama família ba iha selesaun ne’e no garantia selesaun ne’e ba ema Timor oan hotu.
Tuir reportajen Jornalista Rádio komunidade Baucau Feliciano Belo tersa feira (05/08/2025) ne’e hateten katak joventude sira forma hela iha komandu PNTL hodi simu formuláriu foun no sira husu atu komisaun rekrutamentu atu halo avaliasaun ne’ebé justu.
Joven kuaze atus resin forma ona iha odamatan komandu PNTL Baucau nian hodi partisipa iha konkursu ba formasaun ajente polísia tinan 2025 nian no joven sira ne’e husu atu komandu halo selesaun ho neutru reprezentante joven munisípiu Baucau Gravinho Valdo Maria hateten katak ohin 05/08/2025 hau mai atu foti formulariu.
“ohin ha’u mai iha ne’e ha’u rona informasaun husi vaga polísia nian taka sai entaun ha’u mai iha ne’e hodi foti formuláriu hodi priense ba compete no dokumentus sira ha’u prepara ona hodi nune’e ha’u bele kompete ho di’ak maibé ha’u husu ba komadante sira atu halo selesaun ho neutru hodi labele hatama família no selesaun ne’e bele la’o ho di’ak” hateten Gravinho Valdo Maria
Sorin seluk joven ho naran Agustino Soares da Silva rekomenda atu laebele sistema familia hodi nune’e joventude sira bele kompete ho di’ak.
“ha’u rona informasaun dehan vaga pntl nian loke no hau mai forma iha ne’e atu foti formuláriu hodi kompete maibé ha’u husu nafatin bá komandu PNTL atu halo sistema selesaun ne’e ho di’ak hodi labele halo sistema família iha prossesu selesaun ba kadetes foun ne’e” hateten Agustino da Silva.
Atu inofrma fali katak publikasaun informasaun hodi rekruta kadeste foun PNTL hahú publika husi komandu jerál PNTL iha loron 4 de agostu 2025 no publikasaun ne’e rasik hetan asina husi Segundo komandante jeral PNTL hanesan mós prezidenti juri Konkursu komisaun Polísia Pedro Belo.
*
Hakerek testu : Elidio/ Feliciano
