MetroFM/RCTA ; Komandante Polísia Nasionál Timor-Leste (PNTL) Munisípiu Ainaro sei garantia no rekruta kadetes foun tuir duni kritéria komando PNTL, sira ne’ebé la liu sira ne’e la priense kritéria ne’ebé mak fó sai ona.
Komando PNTL Munisípiu Ainaro superientendente assistente Luis da Silva hateten lia hirak ne’e ba jornalista sira iha nia kna’ar fatin kinta-feira (07/08/2025) Komando jerál PNTL ofisiálmente deklara ona bá públiku kona-ba rekrutmentu kadetes PNTL foun hamutuk atus ha’at ne’ebé rekruta iha tinan 2025, Munisípiu Ainaro sei hetan de’it kandidatu 25 mak selesionadu iha prossesu rekrutamentu ida ne’e.
Komandante ne’e hateten tan katak ida ne’ebé la liu ne’e la priense kritéria sira ne’ebé mak fó sai ona provizóriu komandante Ainaro simu atus lima husi jovén sira ne’ebé kompete maibé husi atus lima ne’e atus ida la priense kritéria hanesan altura la to’o kritéria ne’ebé iha.
“ita kontinua rejistu no sira ne’ebé teste ona la liu iha altura mane tenke um metro ciquenta e cinco feto tenke altura um metro cinquenta e oito maibé sira ne’ebé la to’o pasensia sira ne’ebé liu iha altura ne’e hamutuk quatrocentos vinte e cinco mak liu ne’e ami kumpri tuir lei no orden ne’ebé fó sai ona, bele kompete to’o rihun ida maibé Ainaro iha de’it ema rua nulu resin lima mak sei selisionado ba ajente foun, hateten komandante PNTL Ainaro Luis da Silva.
Kandidatu Daniel das Neves sente orgullu ba governo dá-sia liu husi Ministériu Interior hahú loke ona vaga ba foinsa’e sira atu kompete ba ajente Polísia Nasionál de Timor Leste iha tinan ida ne’e.
“Hau hanesan joven foinsa’e ida ha’u sente orgullo tebes bá nonu governu ne’ebé loke ona vaga ida ne’e, ami hein kleur liu ona maibé agradese vaga PNTL ne’e bele iha no ami bele kompete ha’u hetan oportunidade liu iha selesaun ida ne’e maske kritéria barak ha’u koko halo kompleta rekejitus hirak ne’e”,hateten Daniel das Neves.
Tuir oráriu ne’ebé PNTL iha maka simu dokumentu iha loron Tersa feira (05/08/2025) no sei remata iha Sexta feira (29/08/2025) fulan ne’e.
*
Hakerek testu : Elidio/Ricardino
