MetroFM; IX Governu liuhusi Ministériu Justisa koopera ho ajénsia internasionál Sira fasilita formasaun ba kargu xefia, tékniku porfesionál no pontu fokál sira husi liña ministériu sira kona-ba direitu umanu, ne’ebé hala’o iha Maubara Room Timor Plaza, Díli, sesta feira (03/10/2025) ne’e.
Objectivu husi formasaun ne’e atu promove partisipante sira nia koñesimentu kona-ba konvensaun direitu umanu no iha relevánsia ba polítika nasionál Sira.
Reprezentante Nasoens Unidas iha Timor Leste Laura Lima hateten, Timor Leste Nia pozisaun relativamente oinsá mak nasaun ne’e hola parte iha konvensaun importante Sira.
Ministru Justisa Sergio Hornai iha nia intervensaun katak, Ministériu Justisa simu responsabilidade ida halo parseria ho instituisaun internasionál sira hanesan ajénsia ONU buka esforsu atu bele hakonu no hakbiit ba iha protesaun direitu umanu ne’e rasik.
“Wainhira ita restaura ita-nia independénsia ita tenta konverte instrumentu jurídiku internasionál sira ne’ebé kompartilla ho ita-nia realidade, boas prátikas internasionál sira ne’ebé internasionalmente sai hanesan direitu jurídiku internasionál ida ne’ebé serve país ida ne’ebé estadu direitu, estadu demokrátiku, liuhusi vontade popular estadu ida nian hodi harii sistema estadu ida hodi harii governasaun ida”, dehan ministru justisa.
Governante ne’e afirma, Lei nasionál ne’ebé define ona mak hanesan direitu justisa sosiál, justisa formál, direitu ba rai, feto no mane nia direitu hanesan maske iha limitasaun.
Entretantu, formasaun ne’e realiza tanba ministériu justisa halo parseria ho ajénsia internasionál sira mak hanesan UNPRPD, UN Women, UN Human Rights no Unicef.
*
Hakerek testu : Ana
Editora : Ana
