MetroFm; Liuhusi programa ‘Meet the Press’ ne’ebé organiza husi Sekretaria Estadu ba Komunikasaun Sosiál (SEKOMS), ne’ebé hala’o iha salaun Maria Gorrete (SEI) Obrigadu Barak, tersa feira (30/09/2025) ne’e, ministru obras públika Samuel Marçal hateten, moru protesaun Sare iha Munisípiu Ermera, antes Nia hasoru ona komunidade sira iha mota Sare hodi rona preokupasaun sira.
“Moru protesaun Sare ninian, ha’u mós hasoru ona komunidade sira ko’alia problema ida mak ne’e mota ida uluk sira tun mai ne’e fila ba ne’ebá hanesan loos uluk iha tinan hirak liu ba kotuk, agora dadaun mota ne’e tun mai loos hanesan ne’e, ninia kle’an besik ona métru rua ka tolu ona, entaun sira-nia hakarak ne’e mota tenke fila-fali ba hanesan ida uluk, ne’e imposivel”, hateten ministru MOP.
Governante ne’e mos hatutan, balun sira mai iha parlamentu nasionál no tékniku sira esplika ba sira ikus komprende no rezolve duni.
“Entaun sira mai iha parlamentu nasionál ha’u haruka tékniku sira esplika ba sira, nune’e sira komprende no sira simu malu no konsege rezolve ona no uluk tuir bee dalan ne’e dadaun iha”, tenik Nia.
Entretantu, antes ne’e komunidade sira halo impedimentu ba obra ne’e tanba moru protesaun tama liu-bá sira-nia natar laran no sira hakarak tenke moru ne’e tuir mota ida uluk nia dalan.
*
Hakerek testu : Luis
Editora : Ana
