Dili – Sekretaria Estadu ba Komunikasaun Sosial liu husi Diresaun Nasional Dezenvolvimentu Média halo enkontru ho Komisaun Organizadora ba Lancamentu Rádiu Komunidade Laclubar Lian Idate ne’ebé sei hala’o iha loron 14 Junu 2025.
Enkontru ne’e realiza iha salaun administrasaun postu administrativu Laclubar munisipiu Manatuto, tersa feira ne’e (10/06/2025)
Xefe Departementu Apoiu Radiu Komunidade, Julio da Costa Bere Mali iha abertura enkontru husu ba ekipa ekipa SECOMS ho komunidade Laclubar serbisu hamutuk fo susesu ba seremonia lansamentu Rádiu Komunidade ne’ebé mak sei hala’o.
Iha fatin hanesan, Administrador Postu Laclubar, Raimundo Soares apresia ho serbisu Secretaria Estadu ba Komunikasaun Sosial ba atividade Lansamentu no husu ba ekipa komisaun organizadora atu serbisu hamutuk hodi fo susesu ba atividade Lansamentu Radiu Komunidade Laclubar.
Iha enkontru ne’e partisipa husi Xefe Sucu, Xefe Aldeia no reprezentante husi suku Orlala, Batara, Fatumakerek, Manelima, sana nain, Funar no Funsionariu sira Postu Laclubar.
Hakerek Testu : Leoni
Editor : Waitila
