MetroFm; Sentru Saúde Atauro Hala’o Aktividade screening hodi detekta moras hafasil hadaet ba komunidade sira iha suku Makili no Bekeli ho Makadade iha Autoridade Administrativu Atauro, sesta feira ne’e 19/09/2025
Supervisora Rejionál Atauro Agustinha Pereira hateten aktividade screening hala’o ba komunidade sira oinsa atu detekta kazu moras fasil hada’et hodi hala’o tratamentu sedu ba iha komunidade sira tanba komunidade sira menus koñesementu ba moras tuberkuloze.
“Aktividade destakasaun faze ba moras iha komunidade ami nia intensaun atu detekta kazu hodi tratamentu sedu ba iha komunidade sira, tanba ita nia komunidade menus koñesementu ba moras TB iha Timor Leste iha insidenti bo’ot segundu lugar iha Sudeste Aziátiku ho ida ne’e prezisa hala’o atividade screening ba iha komunidade sira hodi deteta sedu sira nomos komunidade sira menus ba vizita iha fasilidade saúde sira wainhira sira afeita ona moras, entaun sira fiar katak ida hanesan moras jerasaun i moras ne’e la hadaet entaun sira fiar liu ba kultura no matan dook sira entaun sira iha ona moras ne’e sira la mai ona tratamentu iha fasilidade saúde”, dehan Agustinha.
Nia informa alein de hala’o screening pesoál saúde sira hala’o advokasia barak ba komunidade sira nune’e bele ajuda komunidade sira hodi hakbesik an ba fasilidade saúde wainhira hetan moras da’et sira.
“Ami halo detektasaun barak ba iha suku sira hodi detekta sedu hodi hatama sira ba iha tratamentu, parte saude husi sentru saúde Atauro kontinua nafatin halo atividade screening antes deklarasaun iha tinan 2019 ho komitmentu hodi hapara moras TB ba komunidade sira iha Atauro no ami halo detektasaun barak iha surto COVID nian maibe alende ida ne’e hapara tia iha aktividade ida hodi foku liu ba iha surto COVID nian hotu ami kontinua hahu fali aktividade screening ba komunidade sira iha tinan 2022 ate to’o agora,iha semana ida ne’e nia laran ami hala’o aktividade dektektasaun kazu ne’e ba komunidade sira iha suku Makili no Bikeli ho Makadade agora dadaun suku makadade remata ona loron hirak liu ba no ohin loron ekipa rua sei kontinua perkore nafatin ba suku rua Makili no Bikeli”, tenik Supervisora Rejionál ne’e
Nia hatutan husi kazu moras hirak ne’e liu husi nia prosesu metodu screening ne’e uza makina raio-x ho makina ida ne’ebé instala mos ho software ida hodi detekta area pulmaun nian.
“Ita uja makina raio-x no makina ne’ebé instala kedas ho software hodi detekta bai ha pulmaun nian hodi hatene ba iha pulmaun normal ho up-normal pulmaun sira ho nune’e nia bele hatudu kedan nia skor no hafasil ita atu indentifika katak ema ne’e iha infeksaun ba TB”, afirma Agustinha.
ikus liu supervizora rejionál Atauro Agustinha Pereira husu ba komunidade hotu iha Atauro katak parte saude iha responsabilidade no pronto atende komunidade sira no kontinua hala’o aktividade sira ne’e beibeik hodi detekta kazu TB iha ita nia rain liu-liu iha Atauro.
Provizoriamente dadus ne’ebé rejista total kauza moras atus haat (400) no detekta nain lima (5) mak diagnosa husi ekipamentus laboratoriu mak pozitivu ba tuberkuloze (TB) no oras ne’e sei hala’o prosesu tratamentu.
*
Hakerek testu : Job
