MetroFM/RCIM-Preparasaun loron juventude massacre Santa Cruz 12 de Novembro hanesan opurtunidade importante ida hodi halo refleksaun no hanoin hikas ba memoria istóriku ne’ebe luta ba independensia Timor-Leste nian, atividade 12 de novembro ba dala tolu nolu resin lima (35) sei hahú abertura iha 7 to’o 12 Novembro 2026  iha Munisípiu Manatuto

Clara Soares Freitas nu’udar presidente komisaun organizadora ba iha atividade 12 de Novembro  iha loron tersa feira 13/10/2026 hateten katak nu’udar Manatuto oan nia parte sente Orgullu tamba liu husi dada rifa iha Aileu no Manatuto maka sai nain ba iha comemora 12 de novembro tinan ida ne’e.no nia hatete katak ne’e responsabilidade bo’ot  no mos laos eventu municipial maibe ida ne’e ita konsidera katak eventu nasional no tau programa prioridade ba iha MJDAK hodi komemora atividade ida ne’e.

Nia hato’o agradese ba iha Parte Ministerio Juventude Desporto Arte e Cultura tau importansia ba iha eventu importante sira hanesan ne’e hodi relembra fila fali katak ho akontesimento Masacre 12 de Novembro hodi loke mundo tomak nia matan katak iha Timor juventude sira luta makas hakarak hetan liberdade

 Atividade ida ne’e la’os sira nia parte mesak maibe sira kria komisaun no husi sentru foinsa’e Manatuto maka sai responsabilidade no konvida intelektual sira no funcionariu sira Manatuto oan tomak partisipa hodi kria estrutura ida.

Liu husi reuniaun ida ne’e nia hatete katak sira hetan resultado positivo antes atu halao atividade sira ne’e sira koko halo proposta bazeia ba matadalan ne’ebe maka mai husi MJDAK nian.

“ Dia 7 komesa abertura no parte sei simu bainaka sira husi nivel municipial no mos husi nasional nia mos hatete katak antes atu hakat ba iha atividade ida ne’e nia ho ekipa tomak primeiro sei hala’o limpeza jerál ba iha fatin turistika sira ne’ebe lokaliza iha Manatuto atu nune’e bele atrai vizitante sira ka participantes ne’ebe maka sei mai tuir komemora loron 12 de novembro iha Manatuto. iha atividade segundo sei hala’o seminariu sei iha panel diskusaun sei hala’o iha loron 11,  iha mos atividade seluk sei halo reflesaun hodi fo hanoin hikas fali ba iha Audotridade ba jovem no ba funsionario sira katak loron ida ne’e importante tebes, sei iha missa agradesimentu ba iha ita nia eroi sira, iha mos atribui premiu ba partisipante sira ne’ebe maka partisipa maka hanesan konkursu publico,poezia, inklui Bero halai taruk, no mos baku babadok. Iha atividade seluk hanesan mos tutur sanan no mos fo prioridade mos ba  iha jovem sira hodi bele tuir sepeda santai Alende ne’e sei iha mos programa marcha unidas ba iha estudantes sira tamba importante tebes tamba atu comemora loron bo’ot sempre presiza paskibraka ida ne’e sai materia ba iha estudante sira hodi sira bele aprende ho diak, inklui competisaun kanta hino Nasional entre escola sira tamba presidente hatete katak sira lakoi kada komemora iha eventu sira ne’e hodi hananu tuir ema seluk nia lian maibe sira mos hakarak hananu sira nia lian rasik”, tenik Clara.

Presidente ne’e mos hatete katak orsamentu ne’ebe apoio ba iha eventu nasional ida ne’e ho montante Dollar Amerika rihun tolu nulu ($30.000) espera katak ho orsamento montante bo’ot ida ne’e povu Manatuto bele partisipa masimu nomos presidente komisaun hatete katak  MJDAK sei Partisipa no mos presidente 12 de novembro Sr.Gregorio Saldanha  ho nia estrutura e no mos mate restu matatuto oan sira. Presidente tenik atu konvida hotu no sira halo sorumutu ho cordenador mate restu hodi husu dadus atu nune’e komisaun bele hatene no mos bele prepara fatin ba iha mate restu sira no mos ho sira nia familia. (Tito)