Metrofm-RCIM;Hermelindo Leba husi Suku Aiteas Aldeia Karlilu  Munisipiu Manatuto  hanesan sidadaun ida ne’ebe hala’o aktividade agrikultura liu husi kuda modo hanesan meius ida hodi sustenta ekonomia familia

Hermelindo Leba iha loron tersa feira (6/10/2026), hateten katak nia moris hanesan Agricultor kuda modo desde 2018 to’o agora  hodi sustenta nesesidade familia uma laran nian  ho dezafiu ne’ebe nia hasoru hodi infrenta tebes ba nia oan sira labele kontinua eskola ba iha universidade tamba nia kbiit la to’o. Nia iha  familia ho oan nain neen (6) no  nia oan nain haat (4) maka  remata ona sekundaria maibe nia kbiit la to’o atu haruka nia oan sira kontinua iha nivel universidade.

Bainhira Produto sira ne’ebe pronto  atu faan, nia lori faan iha merkadu no destribui iha loja sira, maibe desafiu ne’ebe nia hasoru mak folin merkadu tun, Ho produto ne’ebe nia Hanoin atu distribui faan  iha Loja sira, maibe  laiha dalan entaun nia produto sira ne’e faan deit iha merkadu no mos dala ruma folin e dala ruma mos la folin  nia relata mos katak loron ida lori produto aifuan hanesan Aidila ho kustu $30 dollar maibe folin deit $10 dollar bele mos $5 dollar tamba komprador menus situasaun ida ne’e afeita tebes ba redementu agrikultura.

Alende nia atividade Agrikultura ne’e mos durante hetan apoiu husi NGO ruma hanesan fasilita formasaun no fini konaba agrikultura nian.

Toos nain ne’e mos informa  katak nia mos hetan apoio husi NGO TAES Apoiu hanesan Polybag,ho fini apoio fulan rua ba kotuk Agricultor ne’e mos hatete katak durante nia kuda modo maka hanesan Kanko,Bayan no Aidila. No mos iha atividade seluk tos nain ne’e mos hakiak ikan maibe hodi han deit no la fan.tamba laiha kbiit atu sosa ema nia ikan.

Ba futuru, nia espera atu hetan apoiu liután husi Governu, liuliu iha área agrikultura, atu reduz dependénsia ba ajuda no aumenta kapasidade família atu moris ho nia-an rasik.

Istória Hermelindo Leba hatudu katak, maski rekursu limitadu no presu merkadu dala ruma la estável, to’os no agrikultura bele sai dalan ida atu hametin ekonomia família. Ho apoiu, asesu ba merkadu no oportunidade diak, agrikultór lokal bele aumenta produsaun no kontribui ba ekonomia komunidade. (Tito/job)