MetroFM; Konsellu Ministru (KM) iha Palásiu Governu, Dili, kuarta feira (01/10/2025) ne’e, aprova ona projetu Rezolusaun Governu, ne’ebé aprezenta hosi Ministru Prezidénsia Konsellu Ministru, Agio Pereira, ne’ebé determina kanselamentu lisensa sira ne’ebé fó ba operasaun jogu no aposta online sira.

Rezolusaun Governu ida-ne’e mós determina kanselamentu prosedimentu lisensiamentu sira ne’ebé la’o hela no bandu lisensa foun sira ba tipu atividade ida-ne’e, haree ba risku sira ne’ebé identifika ona ba nasaun nia seguransa, estabilidade sosiál, integridade ekonómika no reputasaun internasionál.

Ministru tutela, hamutuk ho forsa seguransa sira, sei tau matan ba implementasaun medida sira ne’ebé aprova ona hosi Rezolusaun Governu ida-ne’e.

Diploma ne’e mós estabelese revizaun ba lejizlasaun aplikavel, liu-liu Dekretu-Lei n. 6/2016, loron 20 fulan-abríl, ne’ebé regula setór ne’e.

*

Fontes ba informasaun ne’e husi Portal Governu : Sorumutu Konsellu Ministrus loron 1 fulan-outubru tinan 2025