Dili, 23/05/2025. Sekretaria Estadu Komunikasaun Sosiál (SEKOMS) liuhusi Diretor Diresaun Nasionál ba Dezenvolvimentu Média (DNDM), Manuel de Fatima hala’o enkontru ho Admistrador Postu Administrativu Laclubar, Raimundo Soares, sexta-feira (23/05/25) iha edifísiu DNDM Kintal-Boot, Díli.
Enkontru ne’ebe hala’o diskuti kona-ba preparasaun ba inagurasaun Radiu Postu Laclubar Lian Idate ne’ebe tuir planu sei halo lansamentu iha tempu badak.
Iha fatin hanesan Administrador Postu Laclubar, Raimundo Soares agradese ba SECOMS liu husi DNDM ne’ebe ho iha inisiativa harii Radiu Komunidade postu Laclubar Lian Idate ho objetivu atu transmite informasaun ba komunidade. Autoridade postu ne’e garante sei halo kordenasaun di’ak ho Jestor no Radiu Komunidade Postu Laclubar hodi jere Radiu refere ho di’ak.
Depois de enkontru ne’ebe halao selebra mos asina kontratu SECOMS ho Rádiu komunidade Postu Administrativu Laclubar, iha edifísiu DNDM Kintal-Boot, Díli.
Kontratu ne’e importante tebes ba ejekusaun Orsamentu jerál estadu ne’ebe SEKOMS ejekuta liu husi Fundos Transferência Pública (FTP) ba tinan 2025, hodi apoiu instalasaun ekipamentu no material sira ba rádiu komunidade Laclubar.
Atividade asinatura ne’e, asiste direta husi administradór postu administrativu Laclubar Raimundo Soares no diretór DNDM Manuel de Fátima.
FTP ne’ ebé rádiu Laclubar asesu husi SEKOMS ho montante dollar amerikanu rihun tolu, atus haat neennulu resin sia, sentavus neennulu resin lima ($3.469,65), ba tinan 2025.
Partisipa iha asinatura ne’e mak, Xefe departamentu apoiu rádiu komunidade, Júlio da Costa Bere Mali inklui funsionáriu sira DNDM nian.
Hakerek testu : Vasco Gama
Editor : Ana/ Helio Lobato
