DNDM – Sekretariu Estadu komunikasaun sosial Expedito “Loro” Dias Ximenes hateten  governu da sia iha nia planu no politika  hodi desenvolve  area komunikasaun sosiál, governu  tau prioridade  mós oinsa mak dezenvolve media lokal sira.

“media lokál maka media ne’ebé moris iha munisípiu, postu administrativu, suku no aldeia ne’ebe maka komunidade sira harii ho nia  estatutu rasik.” Dehan Ezekutivu ne’e iha nia knar fatin palasíu Governu kuarta feira ne’e (21/05/25).

Sekretariu estadu komuniasaun sosial ba jornalista metro fm iha palásiu governu  fo sai katak politika governu da sia fó atensaun makaas ba iha radiu komunidade.

Ezekutivu ne’e dehan, governu da sia fó liu atensaun ba radiu komunidade hamutuk sanulu resinsia(19 ) ne’ebe ejiste iha Timor Leste.

Governu da sia oras ne’e oferese fundos tranferensia publiku liu ba radio comunidade hodi uja ba hala’o atividade sira tuir proposta ne’ebe  apresenta mai diresaun nasional dezenvolvimentu media (DNDM) tanba ne’e presiza hare ninia jestaun, dezenvolvimentu ekipamentus, atualiza ho avansu teknolojia oras ne’e dadaun, dadaun ne’e radiu komunidade sira  laos ona analog maibe  muda ona ba  uza dijital.

Membru governu ne’e haktuir, governu tau prioridade ba radiu komunidade tanba komunidade mak harii no servisu duni ba iha atvidade komunidade nian tanba ne’e governu da sia rekuinese estrutura ne’e ejiste maka hanesan jerente  ka jestor radiu komunidade ne’e mai husi komunidade  munisipíu  ne’e  rasik.

Ikus liu sekretariu estadu komuniasaun sosial Expedito “Loro” Dias Ximenes husu ba radiu komunidade sira halo kobertura ba atividade komunidade

hanesan  agrikultor, grupu kreatividade inovativu, no aktividade suku sira nian.

“ sekoms ne’ebe hare tau matan ba radio komunitariu sira fo orientasaun atu radio komunidade nia kobertura iha tereno i ne’e barak liu agrikultor nian,  toos nain sira, sira ne’ebe hein karau no halai  natar  no kuda modo, ida ne’ebe maka kobertura radio komunidade nian i mos radio komunidade oinsa halo programa sira talkshow  buka oinsa bolu agrikultor sira, joven sira ne’ebe  bele ho nia kapasidade atu halo hanesan halo to’os, kuda ai-oan sira ho esperensia ne’ebe sira iha bolu mai fahe esperensia ba  joven sira oinsa atu inspirador no motivador ba joven sira seluk tanba ne’e ba radio comindade  ne’e  nonu governo importante  e tenki fo atensaun makas ,“  afirma SEKOMS.

Sekretaria estadu komunikasaun sosial husu, radio komunidade sira nia kobertura iha terenu barak liu tenki hare ba problema sosiál sira iha baze.

Hakerek testu : Luis Lopes

Editor : Helio Lobato