DNDM HALA’O ENKONTRU MENSÁL

Diretor DNDM, Manuel de Fatima hamutuk ho Xefe DEPM, Alberto da Costa Riberio no Xefe DARK, Julio da Costa Beremali diriji inkontru mensal iha salaun DNDM Kintal Bo’ot, Dili. (kuarta feira 04/06/2025)

DÍLI (04/06/25)- Diresaun Nasionál ba Dezenvolvimentu Média (DNDM) hala’o enkontru mensal diresaun nian, iha kuarta feira (04/06/2025), edifisiu Kintal Boot, Díli.

Diretór DNDM Manuel de Fátima afirma, enkontru mensal importante hodi avalia rezultadu servisu husi departamentu sira.

*Funsionariu sira partisipa hela inkontru mensal iha salaun DNDM, Kinta Bo’ot-Dili. (kuarta feira 04/06/2025)*

Liu husi enkontru ne’e diresaun bele identifika progresu servisu ne’ebé durante ne’e implementa iha kada departementu sira.

Diretór ne’e mós sujere, ba funsionáriu sira katak, atu hasa’e valór servisu funsionáriu sira tenki obedese ba regra sira no lei funsaun públika.

Rezultadu husi enkontru ne’e mak, haree mós ba programa sira iha diresaun nian mak hanesan, jornál parede no website ba eskola sira, inklui diresaun rádiu haree liu ba programa loroloron rádiu metro fm nian inklui rádiu komunidade sira iha teritóriu laran.

Departamentu ne’ebé tutela iha diresaun DNDM nian, iha departamentu rua (2) mak hanesan, Departamentu Apoiu Rádiu Komunidade (DARK) no Departamentu Estudu Promosaun ba Dezenvolvimentu (DEPD), no totál funsionáriu iha diresaun refere hamutuk neennulu resin lima (65), tantu funsionáriu permanente no kazuál.

Hakerek Na’in : VASCO & LUIS

Editor : ANA