MetroFM; Ajénsia International Labour Organization (ILO), hala’o formasaun ba daruak kona-ba kuda Baunilla iha Sentru Nasionál Empregu no Formasaun Profisional iha Tibar, iha loron 16 to’o 18 fulan juñu tinan 2025 liu-bá.
Liuhusi programa abilidade agrofloresta iha rádiu Metro FM, tersa feira (01/07/2025), Dedisio Ximenes nu’udar apoiu tékniku ba sentru Tibar hateten, kona-ba kuda Baunilla dahuluk tenke komprende lai oinsá atu kuda Baunilla, tanba ema barak mak kuda ona Baunilla maibé nia moris la dura iha tempu naruk.
“Kona-ba kuda importánsia mak oinsá atu komprende oinsá kuda Baunilla, ema barak mak kuda ona Baunilla maibé nia moris la dura, ai suporta balu mak ILO rekomenda mak ai Gamal hodi suporta ba Baunilla tanba Baunilla nia moris ho nani nia nani tuir ai suporta ne’ebé ita fó, ai ne’ebé mak ita kuda tenke kuda uluk, fulan ne’e mak foin kuda Baunilla, la’o ita kuda direita ba rai, maibé tau de’it adubu orgániku nia leten”, katak Dedisio.
Dedisio mós hatutan katak, Baunilla nia fuan ne’e dalabarak iha nia ramu boot ida, balu boot no balu kiikoan, Baunilla mós presiza nutriente ba nia fuan sira ne’e.
“Baunilla nia fuan, dalabarak Baunilla nia fuan ne’e bele iha ramu boot ida, balun boot no balun kiikoan, ida ne’e presiza halo jestaun hotu, katak baunilla mós presiza iha nitrisaun ba nia fuan sira ne’e hotu, entaun ita husi fuan barak liu balu fuan boot no balu fuan kiikoan, depende ba ita maneja husik hotu ka tesi hotu, tuir loloos antes halo poluiminasaun lebele hein to’o nia fuan barak”, dehan Nia.
Dedisio afirma, Sentru Tibar nu’udar organizadór ba formasaun ne’e, no susesu husi formasaun ne’e, joven mane ida husi munisípiu Liquiça kuda Baunilla kuaze rihun resin maibé bainhira halo kolleta Baunilla nia fuan kiik kompara ho Baunilla sira husi munisípiu seluk.
Formadór ba formasaun ne’e mai husi kompaña Mister Vanilla rasik, Daniel Stassen, husi nasaun Béljika.
Hakerek testu: Luis Lopes
Editora : Ana
