MetroFM; reuniaun konsellu minstru kuarta feira (09/07/2025) ne’e, delibera ona reestruturasaun ba institutu públiku no empreza públika nasionál sira.

Tuir komunikadu imprensa rádiu MetroFM asesu, Konsellu Ministru delibera atu halo reestruturasaun ida ba administrasaun indireta Estadu nian, ho objetivu atu hasa’e efisiénsia no transparénsia jestaun públika nian, hamenus redundánsia institusionál no hadi’a artikulasaun entre polítika públika sira no nia ezekusaun.

Deliberasaun ne’e estabelese prinsípiu orientadór sira ba reorganizasaun ida ne’ebé abranjente hosi entidade públika sira ho autonomia administrativa no finanseira, ho objetivu atu garante espesializasaun téknika ne’ebé boot-liu, rasionalizasaun rekursu no hadi’a kualidade servisu ne’ebé presta ba sidadaun sira.

Prevee uniaun hosi entidade sira ne’ebé ho funsaun ne’ebé besik atu hanesan, inkorporasaun hosi instituisaun balu iha estrutura hosi ministériu setoriál sira, nomós transformasaun institutu públiku balun ne’ebé iha servisu administrasaun direta Estadu nian.

Reforma ne’e, sei inklui mós reestruturasaun no estinsaun ba entidade administrasaun indireta balun, ho sira-nia kompeténsia sei transfere ba sira-nia liña ministeriál sira.

Konteúdu espesífiku hosi reestruturasaun ne’e sei regula hosi diploma governu nian lubuk ida, ne’ebé sei elabora no submete ba konsiderasaun no aprovasaun hosi Konsellu Ministru tuir nia tempu.

* fontes  ba informasaun ne’e hosi Portal Governu : Sorumutu Konsellu Ministrus nian iha loron 9 fulan-jullu tinan 2025