MetroFM/RCLM ; Stock ai-moruk iha armazen farmásia rejionál Baucau sei sufiesiente hodi atende ba pasiente sira,tuir jornalista Rádiu Komunidade Baucau Feleciano Venancio Belo relata mai iha programa Metro Loron Ohin iha Radiu Metro FM tersa-feira (22/07/2025) ne’e kona ba progressu stock aimoruk ba fulan jullu tinan ne’e iha Munísipiu Baucau.
Xefe unidade armazen ai-moruk nasionál farmásia produtu rejionál Baucau Adelino Arlindo Moreira do Espirito Santo hateten durante progressu ai-moruk ba fulan jullu tinan ne’e mak distribui aimoruk iha centru rejionál Baucau sei iha no bele distribui ba munispiu tolu mak hanesan Manatutu, Viqueque no Lautém.
“aimoruk ne’ebe tama no aimoruk ne’ebe sai iha fulan kotuk ita sei diak no agora sei disponivel ita sei uja no kontinua distribui aimoruk sira ne’e ba Lospalos, Viqueque, Manatutu, iklui mos ita nia ospitál referál Eduardo Ximenes enjerál stock sei iha no diak hela 79% ita nia aimoruk ne’ebe menus mak 23 % tamba aimoruk ne’ebé hasai no distribui ona ba postu saúde sira iha munisípiu haat ne’e”, dehan Adelino.
Xefe ne’e mos esplika liu tan katak bazeia stock ai-moruk ne’ebe iha ne’e depende ba armazenamentu no mos aprovasaun ruma ba pedidu husi sentru saúde sira.
“aimoruk sira ne’e iha nia prosessu katak Institutu Nasionál Farmásia Rejionál Baucau, aprova no distribui ba munispiu haat ne’e nune’e INF hein deit pedidu husi munisipiu no postu saude sira depois pedidu sira tama no analiza dadus hafoin distribui ba sentru saúde no postu saúde sira inklui mos ba hospitál referál Baucau” tenik Nia.
Bazeia ba stock aimoruk iha Institutu Nasionál Farmásia rejionál Baucau iha fulan jullu ne’e liu husi sistema servisu distribuisaun aimoruk ne’e possibilidade sei normal.
*
Hakerek testu : Elidio Castro/Feleciano
