MetroFM/Hatu-builiko; Xefe Departementu Turismo Komunitaria Ainaro, Adelino Mendonca Espirito Santo hateten uma ba turismo komunitariu ne’ebe, governo hari ona iha bee tudak Dokomali postu Hatu-builiko presiza komunidade tenki tau matan, tamba konsidera uma ne’e hanesan turizmu komunitaria.
Adelino Mendonca Espirito Santo koalia lia hirak ne’e relasiona ho preokupasaun komunidade Kinta-feira ne’e (24/072025) ba jornalista radio komunidae Ainaro, Recardino Magno liu husi programa Metro Loron Ohin katak komunidade sira ejiji rehabilita uma ba turismu iha bee tudak Dokomali nune’e hodi bele fasilita vizitante sira ne’ebe vizita fatin ne’e.
Xefe Departementu Turismo Komunitaria Ainaro, Adelino Mendonca Espirito Santo klarifika katak uma ne’e, governo hari ona presiza komunidade tenki tau matan, tamba konsidera uma ne’e hanesan turizmu komunitaria.
“ami sei halo enkontru ida ho situs turistiku sira hotu hodi klarifika ba komunidae sira hotu hodi komprende klarifika situs iha ainaru ne’e hamutuk 125 hau rasik iha Ainaro ne’e hau mak foti dadus sira ne’e, oinsa atu dezenvove ne’e depende ba orsamentu maibe ami nia planu halo enkontru iha sitiu turizmu sira ne’e ida mak dokomali komunidade iha ne’eba mak tenke kuidadu fatin ne’e, dehan Adelino
Xefe Departementu ne’e relata prontu atu ba esplika ba sira kona ba benefisu husi sitiu sira ne’e, tamba turizmu sedauk iha lei ruma hodi hetan lukru husi sitiu sira ne’e, tuir lolos komunidade sira iha fatin ne’eba tuir lolos aproveita karik vizitante sira ba no selu ba sira no sira mak kuidadu sasan hirak ne’e.
Komunidade Jorge da Silva hateten uma turizmu komunitaria, ne’e oitavu governo konstrui iha aldeia Lebulau suko Nuno-Moque postu administrativu Hatu- builiko, hodi fasilita vizitante sira utiliza, hodi deskansa molok hakat ba bee tudak Dokomali agora nakfila ona ba bibi nia luhan.
“uma ne’e konstrui husi oitavu governu ba vizitante sira ne’ebe mai husi fatin dok to agora bibi mak hela no sulan hela iha laran hau nudar sidadaun ida hela iha fatin ne’e hau husu governu atu bele tau atensaun no rehablita fali atu nue’e vijitante sira mai husi dok bele para hodi nune’e sira bele mai vizita doko mali”,dehan Jorge da silva.
Orsamentu ba kontrusaun ho montante, dolares rihun ualu (US$ 8.000) ne’ebé, gastu ba konstrui eskada no harii besi protesaun hodi liu ba bee tudak doko-mali ho distansia kuaze kilo metro rua ho balu.
*
Hakerek Testu : Recardino/Elidio
editor : Julio
