MetroFM ; Sekretario Estadu Komunikasaun Sosiál, Expedito Dias Ximenes, akompaña husi Diretor Jerál Komunikasaun Sosial SEKOMS, Florindo da Costa no Diretor Nasional sira halo enkontru regular ho official Média husi Linhas Ministeriais, Terca-Feira ne’e (29/07/2025) iha salaun Maria Gorrety SEI Caicoli, Dili.

Enkontru ne’e organiza husi Diresaun Nasional Diseminasaun Informasaun DNDI-SEKOMS ho objetivu atu koalia kona-ba hadia kordenasaun serbisu ne’ebe diak entre SEKOMS ho Média Oficer husi Linhas Ministeriais hodi divulga informasaun no atividade membru Governu ba públiku no avalia serbisu sira liga ba regra etika no orientasaun sira ne’ebe presiza kumpri.

Sekretariu Estadu Komunikasaun Sosiál, Expedito Loro Dias Ximenes intervensaun apela ba mídia ofisiál (media officer) hotu ne’ebe mak hala’o kna’ar iha liña ministeriál sira foka liu ba hakerek informasaun Komunikadu Imprensa relasiona ho aktividade instituisaun nian atu nune’e labele okupa kna’ar jornalista nian wainhira partisipa iha aktividade nasionál ruma.

ofisiál mídia hotu tenki hatene papél servisu ofisál mídia no knar jornalista nian iha diferensia servisu kontiudu informasaun, tanba ne’e ofisál mídia nia servisu mak oinsa hakerek komunikadu de impreza, no rekolla dadus no intende informasaun ruma hodi relata ba sira nia superior relasiona ho aktividade iha instituisaun.

Hafoin diskursu husi Sekretariu Estadu fo mos opurtonidade ba ofisál mídia sira bele hato’o opiniaun ka kritika  ruma ho konstrutivu ho nune’e bele hadia di’ak liu tan serbisu mídia ofisiál nia servisu iha liña ministeriál.

Enkontru ne’ebe halao partisipa husi média ofiser sira husi Linhas Ministeriais, mak hanesan Ministeriu Justica, Ministeriu Edukasaun, Ministeriu Saude, Ministeriu Interior, Ministeriu Juventude Desportu Arte no Kultura, Ministeriu Defeza, Ministeriu Petroleu, Ministeriu combatentes libertasaun nasional, SEI, SEFOPE no Secretaria Estadu Pescas.

*

Hakerek testu : Job

Editor : Julio da Costa Bere Mali