MetroFM; Asosiasaun ema ho defisiénsia realiza konferénsia nasionál direitu ho ema defisiénsia no dezenvolvimentu eskluzivu iha Timor Leste, ne’ebé hala’o iha salaun João Paulo II Comoro Dili, Sesta feira (26/09/2025) ne’e.
Diretora ema ho defisiénsia Norberta Soares hateten, objetivu husi konferénsia ne’e asosiasaun ema ho defisiénsia realiza konferénsia ida ne’e haree liubá advokasia relatóriu no monitorizasaun liga ba konvensaun direitu ema ho defisiénsia iha Timor Leste.
“Programa ida ne’e haree liu ba advokasia relatóriu no monitorizasaun liga ba konvensaun direitu ema ho defisiénsia iha Timor-Leste, konferénsia ohin loron ho objetivu atu bele fahe rezultadu sira, liga ba kapasitasaun ne’ebé durante ne’e halo ba parte interesadu sira ba organizasaun sira, hanesan ema ho defisiénsia nomós parte governu liu-liu ministériu sira ne’ebé halo knaar ba asaun importante sira ba ema ho defisiénsia”, hateten Norberta.
Diretora ne’e mós dehan, objetivu seluk husi konferénsia ne’e mak halo kolaborasaun ho organizasaun sosiedade sivíl sira, governu liuhusi ministériu sira inklui parseiru dezenvolvimentu sira hodi haree kona-ba saida mak progresu no dezafiu sira no susesu sira ne’ebé halo ona liga ba promosaun, direitu ba ema ho defisiénsia no dezenvolvimentu iha Timor Leste.
Entretantu, partisipa iha konferénsia iha bainaka importante sira mak hanesan husi parseiru dezenvolvimentu sira, governu liuhosi ministériu sira no Vise Ministra Solidariedade Sosiál ne’ebé halo abertura ba konferénsia refere.
*
Hakerek testu : Luis
Editora : Ana
