MetroFM; CARE Internasional iha Timor-Leste ensera formalmente programa apoiu ba grupu agrikultura iha Munisípiu Ainaro, depois tinan balun implementa formasaun no fasilita desenvolvimentu agrikultura iha komunidade nia toos sira.
Senior CARE Internasional iha Timor-Leste, Cornelio Gomes, hateten katak iha tinan 2022 CARE forma grupu agrikultura 18 (sanulu resin walu), ho partisipasaun bo’ot husi komunidade, inklui 130 (atus ida tolu-nulu resin sia) agrikultor Sira, Grupu Sira ne’e simu formasaun kona-ba kuda modo, jestaun rai osan no prátika agrikultura ne’ebé diak liu atu hadiak sustentabilidade ekónomia familia nian.
“CARE ensera programa iha Ainaro,fó responsabilidade ba grupu agrikultura Sira atu kontinua servisu iha area Agrikultura, Peska no Pekuaria. CARE husu nafatin ba grupu 18 ne’e atu kontinua hametin kapasidade no tuir matenek ne’ebé sira hetan ona hodi kontinua halo produsaun ba tempu naruk tuir mai”, dehan Cornelio sexta feira ne’e (21/11/2025).
Diretora Servisu Agrikultura, Pekuaria, Peska no Floresta husi Munisípiu Ainaro, Aguida Judit Mendonça, hateten agradecimentu bo’ot ba CARE Internacional ne’ebé mai hamutuk ho Ministeriu Agrikultura hodi apoiu komunidade.
“parte Agrikultura, Pekuaria, Peska no Floresta sei kontinua orienta estensionista Sira atu akompaña grupu agrikultura iha prosesu kuda modo no dezenvolvimentu agrikultura iha munsipiu ainar”, tenik Aguida.
Iha parte seluk, Xefe Grupu Halibur Hametin Fiar, Aniceto De Araújo, esplika katak ida-ne’e mak tempu atu hametin produtividade iha seitor agrikultura.
Grupu no membru Sira kontinua produz modo no rai osan, no fo kreditu ba komunidade seluk atu hametin susténtablidade grupu sira nian.
Entretantu, grupu agrikultura rira ne’e la’ós de’it iha Postu Ainaro, maibé estende mos ba Postu Maubisse, Hatu-Builico, Hato-Udo, inklui Ainaro tomak. (Deo & Elidio)
