MetroFM; Sekretáriu Estadu Komunikasaun Sosiál (SEKOMS), Expedito Loro Dias Ximenes fó hanoin funsionariu Diresaun Nasionál Dezenvolvimentu Média (DNDM) atu presta servisu ho di’ak.
“Fó hanoin nafatin ba ita boot sira, relasiona ho notifikasaun ne’ebé ita boot sira simu, labele laran taridu kontinua servisu nafatin, ida ne’e regras hosi funsaun públika nian, hodi halo avaliasaun ba ita bo’ot sira kontratadu durante tinan ida molok kontratu remata” katak Sekretáriu estadu Expedito Loro Dias Ximenes Kestaun ne’e, nia hato’o bainhira vizita urjente iha edifisiu DNDM Quintal Boot Dili, Tersa Feira (02/12/2025)
Sekretáriu estadu ne’e enkoraja ba funsionáriu DNDM sira katak tenke tuir nafatin regra sira iha SEKOMS hanesan atividade sira ne’ebé hala’o iha iha Palásiu Governu.
Vizita Sekretária Estadu Komunikasaun Sosiál Expedito Loro Dias Ximenes iha DNDM, akumpaina direita hosi Diretur DNDM, Manuel de Fátima, Xefe Departamentu Apoiu Radio Komunidade Julio da Costa Bere Mali no funsionáriu DNDM. (Luis/Ana)
