MetroFM-RPV; Vendedór sira ne’ebé antes hala’o atividade komersiál iha Merkadu Vila Viqueque, hahú muda sira-nia atividade ba Merkadu Foun Olobay, iha Suku Caraubalu, Postu Administrativu Viqueque Vila, Munisípiu Viqueque.
Vendedór Afonso Miguel Martins, bainhira ko’alia ho Metro FM iha 27 Agostu 2026, hatete katak mudansa husi merkadu antiga ba Merkadu Foun Olobay halo nia sente kontente, tanba merkadu foun ne’e iha kondisaun diak no bele fasilita atividade komersiál.
“Hau kontente ho merkadu foun ne’e, tanba iha kondisaun diak atu ami bele kontinua atividade komersiál no fa’an produtu lokal. Vendedor sira muda husi merkadu antiga vila Viqueque mai iha merkadu foun olabay loron tolu ona sira senti kontenti hodi halo sira nia aktividade komersial iha Merkadu foun olobay ho kondisaun diak no importante tebes ba vendedor atu hala’o aktividade komersial, atividade komersiál iha merkadu foun bele ajuda vendedór sira atu aumenta rendimentu no suporta nesesidade família,” dehan vendedor Afonso.
Autoridade lokal Munisípiu Viqueque haree komersiante no negosiantes sira iha fatin seluk no dalan ninin tenki relokasaun vendedor sira ne’e mai faan hotu iha merkadu foun Olobay ne’ebe governo prepara ona.
Tuir Afonso Miguel Martins hateten, haree komersiante no negosiante sira iha fatin seluk no dalan ninin tenki relokasaun vendedor sira ne’e mai faan hotu iha merkadu foun olobay ne’ebe governo prepara ona Autoridade lokal iha Munisípiu Viqueque mos apela ba komersiantes no negosiantes sira atu uza merkadu ne’e ho diak. Mudansa ba Merkadu Foun Olobay halo parte husi esforsu governu no autoridade lokal atu organiza atividade komersiál iha área ne’ebé apropriadu.
Merkadu Foun Olobay konsidera hanesan fatin ida ne’ebé bele oferese ambiente ne’ebé seguru no diak ba vendedór no konsumidór sira, inklui aspetu ijiene públika no organizasaun atividade komersiál. (Lourenca/Job)
