MetroFM– Inan-feton Olandina Mariana, tinan 46, inan feto ida husi aldeia Lamaklaran, suku karau balu, postu-administrativu Viqueque-Vila, munisípiu Viqueque hala’o atividade baku fatuk atu ajuda sustenta nesesidade família nian.

Kada loron, olandina Mariana baku fatuk liu husi nia liman, nuudar servisu ida neebe nia halo atu hetan rendimentu ba nesesidade uma laran. Husi atividade ne’e nia hetan osan kada loron, maibé montante depende ba kuantidade fatuk neébe nia konsege baku no ema ne’ebe sosa.

Olandia espresa ho nia sentimento kontente liu husi Ativividade baku fatuk konsidera katak servisu mane ho feto nian olandia bele halo no hodi responde ba oan sira nia nesesidade eskola hanesan sosa kadernu, Lapizeira, Lapiz no mós presisa ba uma laran nian.

‘’fatuk ne’ebé maka ha’u baku Lalin husi mota no mos depende ba ha’u nia forsa loron ida bele baku karon rua ho bele mos karon ha’at depende ba halibur fatuk ne’, bainhira ha’u nia parseiro mate iha tinan 2024 no mai to agora ha’u tenki hala’o  atividade baku fatuk ida ne’e atu nune’e bele responde ba iha nessecidade uma laran no ami iha uma laran hamutuk nain- 8,’’ hatete  Olandina.

Nia mos hatete katak Faan fatuk tau iha balde ho presu 2 dollar no fan uja karon 4 dollar presu la hanesan.

Iha tempo bailoro Atividade seluk Olandina Mariana bele halao maka hanesan halibur ailele hodi produz ba iha sumasu hodi faan.

Atividade ne’ebe nia hala’o mós hatudu papel importante inan feto nian iha família, liu hosi kontribuisaun ekonomia no esforsu loroloron. Nia esperansa mak bele kontinua hetan oportrunidade servisu no rendimentu ne’ebe bele ajuda hadi’a kondisaun moris família iha futuru. *