MetroFm/RKM-Ministeriu Solidaridade Sosial no Inklusaun (MSSI), liu husi rede protesaun labarik rejista kazu violensia no vunerabilidade ne’ebe afeita ba labarik hamutuk 47 iha Munisípiu Bobonaro, kazu hira ne’e, sai preokupasaun ba  instituisaun no parte relavante sira atu  hametin protesaun no seguransa ba labarik.

Ofisial rede protesaun labarik José Henrique da Silva iha loron quarta feira (7/10/2026) hateten katak, kazu hirak ne’e rejistu tuir mandatu no responsabilidade rede protesaun labarik bazeia ba dekreitu lei Nú; 6/2023, ne’ebe regula mekanizmu Ne’ebe protesaun no seguransa ba labarik sira, maibe husi kazu violensia 47 ne’e husi kazu abondonadu neen (6) no hetan kazu abuzu infrasaun ne’e rua (2) no abuzu fisiku ne’e iha sia (9) infaktu husi kauza violensia domestika ne’e tolu (3) no konflitu ho lei lima (5) abuzu sexual iha kazu sia (9). Enkuantu iha kazu vulnerabilidade seluk, kaben sedu iha rua (2) iha inundasaun iha rua (2) no oan kiak ne’e iha lima (5) ho divorsiu iha haat (4) husi kazu hira ne’e kazu abuzu fiziku no sexual aas liu iha Munisípiu Bobonaro.

Kazu hirak ita rejistu ne’e sei la’o tuir prosedementu legal, husi kazu hira hanesan kazu violensia sexual no kazu fiziku nia prosesu legal tenki envolve instituisaun kompetent, inklui Polisia, Ministério Publico no Tribunal, tuir natureza gravidade kazu.Kazu hirak ne’e akontese tanba ema seidauk iha konsiensia tanba ne’e kazu violensia bele akontese entre labarik ho labarik sira,  inklui membru familia no ema seluk iha komunidade.

Nia sublina liu tan katak, kazu hirak ne’e ita trata tuir etapa ne’ebe mak relavante kazu hirak ne’e tenki identifika no akompanamentu vitima sira tenki keisa to’o polisia ho nune’e prosesu sira ne’e ba to’o iha ministeriu publíku, parte seluk ita haree ba iha eskola no saude nian oinsa ita bele trata atu hetan fila fali sira nia direitu ba eskola no saude bele mos fila fali ba familia.

Lei protesaun labarik mos iha medida ba vitima, oinsa ita bele trata vitima sira primeiru mak ba familia sei familia labele entaun ita fo apoiu husi ema aduneia  ka apoiu atonomia ho akonselamentu familiar, oinsa maka bele promove,prevene no protese labarik sira liu-liu edukasaun no akompanãmentu kriasaun ambiente  ida seguru ba labarik sira.

Ofisial rede protesaun labarik mos apela ba familia sira no komunidade sira atu fo atensaun liutan ba labarik, liuliu bainhira sira enfrenta problema sosial, violensia ka situasaun vulnerabilidade. familia bele buka apoiu akonsellamentu familiar bainhira presiza atu garante labarik sira nia moris no desemvolvimentu. (Job)