Dili 2/06/2025-Sekretária Estadu Igualidade no Inkluzaun (SEII sigla português), Elvina Sousa Carvalho hateten funsionáriu públiku sira tenke disiplina tama servisu ho pontualidade no obedése tomak ba Lei.
“Ba funsionáriu funsaun públika dever hanesan funsionáriu públiku ida mak ita-boot sira hatene, pontualidade, lealidade, dignidade no mós obidiensia la’os ba de’it irarkia maibé obidiénsia sira ne’e tenke mós bazeia ba Lei, no halo tuir orden sira ne’ebé bazeia ba lei, la’os halo tuir tanba tauk lideransa sira, superior irarkia ba sira, maibé respeitu no halo tuir tanba Lei mak haruka”, dehan Sekretária Estadu Igualidade no Inkluzaun, Elvina Sousa Carvalho iha ninia diskursu bainhira nu’udar inspetora seremonia hasae bandeira semana dahuluk fulan juñu, iha Palácio do Governo segunda-feira (02/06/2025).
Sekretária Estado ne’e mós hatutan, funsionáriu sira hatene lolos knaar nu’udar funsionáriu públiku, hanesan nu’udar membru governu hakarak ritera dejeza ba funsionáriu sira hotu, servsiu didi’ak no kontinua servisu ho lealdade no servisu pontualidade loron-loron.
iha seremónia Içar Bandeira ne’e Sekretária de Estado Igualdade fó sai katak, tempo badak Timor Leste sei sai membro plenu ASEAN (Association of Southeast Asian Nations) iha fulan outobro mai tanba esforsu husi Permeiro Ministru Kayrala Xanana Gusmão.
“Ita tenke lovu servisu ne’e lova mos povu timor-leste nia matenek ohin timor-leste hetan ona fatin iha asean hodi bele foti dejisaun sira hanesan menbru asean”, tenik Nia.
Esforsu atu tama asean laós foun maibé hahú husi Permeiro Governo Constitucional ne’ebé kleur tebes hodi la lori rezultadu pozitivo maibé iha IX Governo Konstitucional ne’ebé liderado husi Primeiro Menistro Kay-rala Xanana Gusmão konsege hetan rezultadu hodi lori Timor Leste sai nu’udar membru pleno ASEAN.
Seceretaria Estado husu ba funsionáriu públiku hotu nu’udar servidór estadu tenke ejerse funsaun tuir Lei hodi serve estadu ho kapasidade profesionál nian.
Partisipa iha serimónia Sekretária Estadu Igualidade, Prezidenti Komisariu Funsaun Públiku, Prezidente Centru Nasionál Chega, Imprensa Públiku, Xefe gabineti, asesór sira, membru Polisia Nasionál Timor Leste (PNTL), Falintil Forsa Defeza Timor Leste (F-FDTL), funsionáriu públiku no média sira.
Hakerek nain : Tito & Luis
Editór : Ana & Helio Lobato
