SEKOMS HO TIC TIMOR IP FÓ FORMASAUN BA MÉDIA NASIONÁL NO OFISIÁL MÉDIA SIRA

*Sistema desiminasaun informasaun integradu (SDII), foto tersa feira 17/05/2025*

Dili (MetroFM) ; Sekretária Estadu Komunikasaun Sosiál (SEKOMS) liu husi Diresaun Nasional Diseminasaun Informasun (DNDI) servisu hamutuk ho ajensia Tecnologia Informação e Comunicação (TIC) Timor Instituto Público (IP), fó formasaun ba média nasionál no ofisiál média sira, kona-ba sistema desiminasaun informasaun integradu, iha salaun Sekretariu Estadu Igualdade (SEI) obrigadu barak, Díli tersa feira (17/06/2025).

Reprezentante Sekretária Estadu Komunikasaun Sosiál, diretór jerál komunikasaun sosiál Florindo da Costa hateten, sistema integradu ida ne’ebé ho ninia plataforma online ida, ne’ebé sei fornese komunikasaun efetivu entre governu ho intituisaun média nasionál sira iha Timor-Leste, hodi halo ajendamentu ba kobertura.

Diretora DNDI Guida dos Santos hamutuk ho diretór jerál komunikasaun sosiál Florindo da Costa inklui mos formadór husi TIC TIMOR, IP, Tiago dos Santos hala’o abertura formasaun kona-ba sistema desiminasaun informasaun integradu, iha salaun Sekretariu Estadu Igualdade (SEI) obrigadu barak, Díli tersa feira (17/06/2025).

“Sistema integradu ida ne’ebé ho ninia plataforma online ida, ne’ebé sei fornese komunikasaun efetivu entre governu ho intituisaun média sira, pertenenti tebes ba média sira, hodi fasilita informasaun sira, demonstra informasaun sira mosu liuhusi dokumentu ruma, eventu sira mosu liuhusi ema ho ema , liuhusi sistema ne’e bele ona pasa informasaun ba malu”, dehan diretór jerál SEKOMS.

Diretór ne’e mós hatutan, sistema desiminasaun informasaun hanesan kanál ida ne’ebé média sira bele hetan informasaun, bainhira governu halo sira-nia progama, dalaruma média sira lahatene, liuhusi sistema ne’e média sira bele hetan ona informasaun.

Fatin hanesan formadór husi TIC TIMOR, IP, Tiago dos Santos afirma, benefisiu hosi formasaun ida ne’e mak oinsá, hasa’e koñesimentu liu-liu ba média sira, hodi bele uza no jere rasik sistema desiminasaun informasaun integradu, hodi fasilita sira-nia servisu iha área kobertura nian, nune’e sira bele manda audiénsia ho membru governu sira bele liuhusi sistema ida ne’e.

Enkuantu formanda Sandra De Sá dehan, formasaun ne’e importante tebes ba ofisiál média sira, liuhusi sistema desiminasaun informasaun integradu bele ona fasilita informasaun liu-liu ba ajendamentu kobertura iha ministériu sira.

Entretantu partisipa iha formasaun loron ida ne’e kompostu husi funsionariu SEKOMS, média nasionál no ofisiál média sira.

Hakerek testu : Luis Lopes

Editor : Ana